每逢十一月，好多商店網站都會用不同名義推出超級優惠，好似雙11，感謝祭，Black Friday，感恩節等等，大家都會係呢段時間上網搵平貨，但大家又有無諗過， 買完嘢張收據仲有其他作用? 將你買嘢得返黎嘅收據，上載到我地CHECK價，就可以換取現金獎賞，實行一路買，一路賺！ 上載收據 雙倍積分 為左應節，同收集更多嘅單據作數據分析，只要你係11月內，上載任何一間商店嘅購買單據，手寫單又好，電腦單又好，電子單都好，只要唔係假單， 我地CHECK價都會雙倍送出報價積分，由130分提升至260分，務求令大家物盡其用, 唔好浪費你手上嘅單據。 留意事項: -接受任何一間商店嘅收據，但只限電子或家電產品 -上載單據必須清楚顯示商號名稱，產品型號，價錢及購買日期 –不接受重覆上載單據 報價流程及報價獎賞可以睇返以下連結: https://checkgaa.com/page/Checkpoints_CashOut 申請Account只需20秒左右，上載單據更只需10秒左右! #送現金，無花假 #唔好做假單
所有人買野都鐘意格價，加上香港網上購物開始發展成熟，格價平台如Price或者新型啲嘅CHECK價✌，本地網購如HKTVMALL，ZTORE等等，都令消費者輕易掌握市場價格同產品資訊，知道邊度買最抵。 格價容易左，係消費者層面上固然開心，但對大場(大場:如豐記，百記，蘇記，日本X等大型連鎖店)黎講就有大問題，同一隻產品型號，係大場買同係街鋪或網店買，價格差距分分鐘有成20-35%。久而久之，陳列室效應就開始出現，大場變成俾消費者摸下，玩下，了解下產品嘅地方，但最尾都係去返街鋪或網店幫襯。 大場降低產品售價，加強網上銷售？不大可能，因營運成本高，如廣告費，人工，租金，而且大場實體門市營業額影響SALES人工，網站單多左，門市SALE人工相對自然會少左。 大場點應付？ 大場門市據點多，位置多設立於一線商場或人流多嘅地區，因而有領導消費者選擇取向嘅優勢，即係如果我要買一部洗衣機，大部份人都會先去大場睇一睇，問清楚產品資料再係網上格價。 有見及此，品牌商或代理商為左保障大場利益，就會出一招叫獨家型號，即係同一級數嘅產品，大場同街鋪賣嘅型號會唔同，但望落外觀同功能有九成似，因成本問題，廠商只會係原模作有限度改變，兩者之間只係有少少野唔同，例如顏色，加加減減啲零件或功能，目的係為左消費者無得直接將大場產品型號對比街鋪或網店價格。 以下係由CHECK價搵到幾個例子： 惠而浦前置式洗衣機 #兩者分別會以橙黃色標示 FFCR70110(小店型號) 市面售價約$3450~ FFCR70120(大場型號) 市面售價約$4380~ 屏幕顯示: LED LED 自選洗衣溫度: • • 脫水轉速調校: • • 剩餘時間顯示: LED LED 洗衣程序顯示: 電子控制 電子控制 溫度顯示: LED LED 安全燈號: NA...
上樓費，搬運費，出倉費，出勤費，玻璃費，喉長費，拉電費，環保標籤費，扔機費，開盒費，拆機費，清潔費……安裝收費方法層出不窮，除時失晒預算，亦係消費者與商戶交易中最容易出現爭拗嘅一環。想用至抵價購買但又怕煩? 我地CHECK價系統可以幫到你，幫你慳機價之餘，安裝費都幫你慳到盡！ 用戶CHECK完機價後，記得CHECK埋安裝及送貨事項，傾好先落單。 現凡於11月30日前與任何一間認證商戶購買及安裝熱水爐及浴室寶，CHECK價即回贈HKD200。 產品列表按此: 浴室寶 熱水爐 STEP 1 列出黎嘅價錢只係參考價(並不代表至抵價)，按 “現貨查詢及購買”，認證商戶會立刻按你要求提供報價，一般會比參考價較抵。 Step 2 左方為認證商戶報價列表，用戶可以睇啱先落單，如涉及安裝，落單前記得先同商戶溝通，確保雙方有共識，先再進行交易。 Step 3 完成交易後，用戶可按 “額外保養”，上載購買單據，除可獲8個月額外保養外，CHECK價亦會送出HKD200回贈於用戶帳戶。 CHECK價亦會作為第三方公正，確保買賣雙方利益及交易順利進行。 如有任何查詢，可以Whatsapp 98207405或Facebook inbox我地。 #試下就知抵唔抵? #格下價唔洗錢
冬季就到，想沖完涼浴室keep住暖笠笠，但又唔想攪咁多要專登拆左原先部抽氣扇裝浴室寶，又怕一般嘅暖風機係浴室用會漏電，咁點算? 雖然浴室寶早年係香港開始興起，唔少人因而轉用左浴室寶，但市場冷靜落黎後，亦有一班人唔願意換浴室寶，更甚者會轉用返抽氣扇。 首先，香港大部份家庭嘅浴室只能２選１，一係裝抽氣扇，一係裝浴室寶。 係費用層面上，簡簡單單裝部窗口式浴室寶，唔講求產品質量，連埋安裝費至少要$1500起跳；如果講究啲裝部天花式浴室寶，質量較好嘅，分分鐘要過$4000。而安裝抽氣扇連機嘅價錢大約只需裝浴室寶嘅三份一價錢。 其次若你搵隻平平地火力較低嘅浴室寶，其實佢換氣功能比抽氣扇弱，而且運作時聲響較大。 最後浴室寶通常都要用搖控開關，唔似抽氣扇，可以啪個燈掣就開，而且有時因搖控敏感度不足，機身反應未夠快，明明只係想簡單開個抽氣功氣，但都變左開暖氣。 以上係我地CHECK價綜合左商戶同用戶嘅意見。 如果又唔想洗咁多錢，但又唔想裝隻質量差嘅浴室寶黎代替原先部抽氣扇，我地有另一選擇比大家，就係移動浴室寶。 市面上暫時只有兩隻防水級別達IP23 嘅移動浴室寶(市面大部份聲稱可以於浴室用嘅暖爐其實防水級別只有IP21，代表有防濕氣功能，IP23則高一級，可以防濺水而不漏電) 佢地分別係: 德國寶 German Pool HTW-320(2019新款, 舊款為HTW-220) https://checkgaa.com/search?GermanPool德國寶HTW-320 日本伊瑪 Imarflex INB-2023R(2019年新款) https://checkgaa.com/product/INB-2023R-5daecc75dd710.html 德國寶German Pool HTW-320 日本伊瑪 Imarflex INB-2023R 最高火力 2000W 2050W 火力調節...
近日消委會針對唔同地方嘅Online Store進行測試同比較，分別比較購買過程，送貨及退貨等等。 當中包括Amazon(美國), ASOS(英國), 淘寶(中國), 樂天(日本), PCHOME (台灣), GMarket(韓國), Zalora(新加坡), HKTVMALL(香港)同埋Big Big Shop (TVB)。 係呢份報告入面, 主要測試幾個項目: 送貨時間: 位於海外的Online Store送貨時比較長, 除咗PCHome送貨時間大約1-2日之外，其他平均需要3-7個工作天, 而Amazon更需要平均9-15個工作天。本地嘅HKTV Mall及Big Big Shop大約需要3-4個工作天。 運費: 除Gmarket, 樂天及PCHome外, 其他的Online Store都有列明基本運費, 而以上列3間嘅運費會視乎產品重量或送貨公司而定, 購買時需要留意運費價錢。 單方面取消訂單: Gmarket, PChome,...
CHECK價成立目的係為左方便用戶能成為一個精明消費者，唔單止係產品價格層面上，係選擇幫襯邊一間，買邊一款，比錢前需要知道嘅重要事項等等，我地都希望能提供到一個參考。 為左更加彰顯我的CHECK價宗旨，我地網站新增左一個功能: CHECK價討論區”CHECK CHAT” 係討論區入面，用戶或商戶可以分享(但不局限於)產品資訊，購物經驗，有關電子或家電產品嘅疑問等等。 現時先設自由港主題區，未來會因應需要加設針對性較高嘅討論主題區。 為保障討論區資訊質素，防止洗板行為，發帖前用戶必須通過電話訊息驗證，驗證過程不多於30秒，我地亦會保障用戶資料。
十月優惠推介 我地CHECK價連同認證商戶，推出一系列精選產品，保證價格優惠，貨源充足。 仲有唔好唔記得，於10月25日前與任何一間認證商戶於CHECK價完成交易，CHECK價即送$50現金回贈及運費補貼。交易流程可按此參考 以下為優惠產品列表:
浴室寶愈來愈普及，選購時有人會睇佢產地，睇佢款式，但計我話，最緊要嘅係睇佢嘅用電量，功能同安裝尺寸。 市面上最普及嘅品牌有樂聲，KDK，草津，金章等，佢地一般都標榜住有暖氣、乾衣、換氣同循環功能，而當中嘅乾衣功能，經常令用家誤以為有抽濕功能，但其實大家要知道，佢地都只係用熱力蒸發衣物上嘅濕氣，再以換氣方式排出室內濕氣，並非似抽濕機功能一樣，用壓縮機原理將濕氣抽走。 我地CHECK價翻查過市面上所有浴室寶品牌，僅得兩隻係有真正嘅抽濕功能，即乾衣時唔一定要吹住熱風。 佢地分別係: 1.Drymaster DM230R 定價$4880 (舊型號DM228R, 只限天花安裝)，2018年年尾推出新款，體積較大，安裝較難，抽濕力高，於相對濕度60%時，每日抽濕量約9.8L~ 2.太平洋Pacific PD-612 定價$3680 (只限窗口及掛牆式安裝)，2019年剛推出，安裝較方便，於相對濕度60%時，每日抽濕量約5.4L~ 裝窗口定天花式？ 有得揀(如budget同位置許可)，唔洗諗，裝天花，最好裝係浴室中央位置，咁暖風同抽氣功能都能達到最佳效果，但安裝費用會較安裝窗口式費用高，天花式安裝約$680-800~或以上，而窗口式安裝約$380-480~(實際收費因不同情況而異)。裝天花式浴室寶一定要有假天花，否則原行未必會包保養，同埋記得天花同假天花要預留返至少6-7吋位置。 點解咁少牌子出有真正抽濕功能嘅浴室寶? 成本原因，始終有壓縮機嘅浴室寶成本比一般浴室寶貴好多，導致銷量比普通浴室寶低好多。 安裝原因，如安裝天花式，除左要諗條熱氣喉點走，仲要顧多條排水喉，而好多安裝/裝修師傅都認為香港啲浴室咁細，開住暖氣再加換氣功能，其實都勉強做到可接受嘅乾衣功能。 總括而言 要唔要買有直正抽濕功能嘅浴室寶，就要睇你主要用途係乜，如果你只係有抽氣功能同冬天沖涼嗰陣有得暖下，買普通浴室寶就可以。如果你經常性會係浴室晾乾衣物，咁就好建議你買有真正抽濕功能嘅浴室寶，省電之餘，乾衣時間同效果會比只用熱力乾衣嘅好，而且唔會因熱力損害衣物纖維之外，衣物沾上異味嘅機會亦會低好多。跟據Drymaster 嘅使用手冊，5公斤棉質衣物，係無熱力情況下約4小時就可以完全乾透。 #開著乾衣或抽濕功能時，記得蓋返個廁所板。 題外話: 8吋迷你浴室寶事宜 大家有無發覺大部份品牌知名道較高嘅8吋迷你浴室寶，近年都係市場上消失左，如開利，飛歌，惠而浦，樂信等通通消失，只係得返金章同Skyrun仲有8吋安裝size嘅浴室寶? 傳聞係約兩年前幫金章出產浴室寶嘅內地廠商出左通知，要求其它品牌停止售賣佢地有設計專利嘅8吋安裝size嘅浴室寶，而知名品牌為免惹上官緋，都相應停止出售8吋安裝size嘅浴室寶。 Check價
今朝我地係FACEBOOK專頁見到有個留言，睇完真係唔係咁高興，有種俾人屈嘅感覺，風水佬就可以呃你十年八年，我地呃得你啲乜？ 我地CHECK價要嘅並唔係用戶資料，而係你地提供比我地嘅產品報價同資訊。我地亦唔會將用戶資料作任何轉售。 CHECK價係要用戶 報價賺現金，而唔係送你免費午餐。 所以你可以話我地獎賞唔吸引，批核唔夠快，或我地唔夠靚仔靚女，但唔好話我地呃人。 我地就係唔想消費者比啲不實嘅格價平台誤導，先建立CHECK價！ #希望已獲取現金獎賞嘅用戶可以幫我地平反下 #報價賺現金玩法 Check價
自從上年8月政府推出「四電一腦」生產者責任計劃，廠商，品牌商，批發商，零售業界由計劃實施初期嘅擔憂同混亂，經過一年時間嘅磨合，業界都開始習慣而且運作暢順，據CHECK價向商戶了解，回收計劃有得有失，得嘅就係收舊機唔洗特登另收客人掉機費，客人較為接受，而失嘅就係以往商戶可以拎回收返黎嘅舊機賣返出去街邊回收商，可以收返少少零用錢，但而家差唔多清一色只能由政府委託及資助嘅持牌回收商歐綠保包攬晒，同埋回收服務最快都要等3個工作天，雖則幾乎無放過飛機，但如果回收日期同時間可以再靈活啲就更加好。 總括黎講，整頓回收業，集中同系統化處理，踢走因處理不當而污染環境嘅無牌回收商，對香港環境係一件好事。 整合商戶比我地嘅資訊，當消費者購買電器產品時，我地有幾點想提醒大家。 消費者需知: 1.所謂四電一腦，其中包括嘅電器種類有: 雪櫃$165 電視機$165 冷氣機$125 洗衣機$125 顯示屏$45 掃描器$15 影印機$15 2.一般係銷售商購買產品嘅時候，其實上述費用已經強制加左係產品價格上。 3.係落單個陣，商戶一般會提供兩種回收方案 方案一: 由政府委託及資助嘅歐綠保免費回收，最少3個工作天。 方案二: 由商戶或產品供應商直接回收，通常都可以即日收走，但就視乎商戶有機會另外收費，簡單講，係大型連鎖店買，一般都會包埋，因為機價較高cover到，而中小型商戶通常就會有額外費用，一般約$80-$100不等，但當然機價相應平返。 所以好睇消費者本身有無時間或空間而選擇合適嘅方案。 3.無論消費者選擇邊一種方案，商戶都有責任事先提醒消費者，你地享有免費舊機回收服務，而如果選擇方案一，商戶絕不能收取額外回收費用，無論要搬上搬落幾多層，都唔應該有額外費用，否則即屬違法，以下為資料參考: https://hk.on.cc/hk/bkn/cnt/news/20190930/bkn-20190930161001792-0930_00822_001.html 4.當購買四電一腦計劃所包含嘅產品種類時，要留意銷售商有無提供類似以下嘅label貼紙，一般都會跟住張單或跟住部機。如銷售商無提供，亦屬違法，以下為資料參考: https://news.now.com/home/local/player?newsId=342539 環保標籤相片: 5.如需要回收洗衣機或冷氣機，用戶需先拆除所有喉管，電線接駁，安裝架之類，簡單講，佢地只係會幫你搬走，但唔會做任何拆卸工程，比錢都唔做。真係唔識拆咁點算? 可以選擇方案二。 6.如需要回收雪櫃，收走舊機同送新機時間要夾得好，尤其當雪櫃裡面仲有好多貴重食材需要雪住，萬一收機人員先到，收左部舊機先，但部新機又未送到，咁就大件事，所以我地建議消費者如果地方同時間容許，而又有貴重食材要雪住嘅話，最好就約下一個工作天嘅早上先收走舊機，否則就要事先食晒你雪櫃裡面嘅野。 7.無需等人黎收舊機，其實你放部舊機係門口，當然唔好阻住鄰居同需要管理處容許，再貼返張”等回收”嘅字條係機面就可以。 8.如果miss左本身約好嘅回收服務，若商戶用返同一個地址或申請單號再同你申請回收服務，歐綠保電腦系統會張你張單推後到1-2個星期後，或有機會取消申請。咁點算呢？可以搵商戶幫幫手, 改下個地址及申請單號(例如: 填上不存在嘅門牌號數) ，佢地搵唔到你自然會打比你，咁就可以係返３個工作天內完成到，當然最好唔好失約，始終回收工作都係一件幾體力勞動嘅工作。如果商戶幫你唔到, 其實可以直接打去歐綠保預約回收，電話:...
