大家睇啱心水電器產品，都會先上網格一格價，搵下邊到買最平。但係點樣選擇一間好嘅舖頭? 就等我地逐個逐個point講解: 店鋪選擇: 無門市，無地址提供，得手機號碼或者只用電郵同你聯絡嘅店鋪就盡量避免。如果真係無計，而佢地價錢對比其他舖頭差成一千幾百，客人就最好選擇要求貨到付款，如要先付訂金，建議以銀行戶口轉帳小量訂金，切勿用現金轉帳，有咩事上黎起碼有紀錄；如果價錢只係相差一百幾十，就建議搵返間有門市有地址嘅鋪頭，有起事上黎都知應該去邊度找晦氣。記住唔好學羅志祥，格價還格價，唔好濫問，避免一次過send mass messages十幾二十間鋪頭，原因係網上搵鋪頭就好似行左入黃金電腦商場咁，明明唔同鋪位，唔同名，到頭黎原來都係同一間公司。如果舖頭發現見到客人周圍格價，舖頭一來會失去向你認真報價嘅意慾，會是但講個流嘅價錢俾你，到頭黎得到嘅報價更加無質量。
2月消委會對市面上14款壓縮式抽濕機進行測試，當中包括4款二合一空氣淨化抽濕機及10款抽濕機。 消委者今次會對每日抽濕量的吻合程度、寧靜程式、安全程度、使用方便程度進行評分。
鍾意煮野食嘅你, 一部好嘅抽油煙機對你屋企環境會有好大幫助，我諗無人會想煮完飯, 成屋企都係油煙味。 今次消委會測試市場上15款抽油煙機, 比較下整體表現邊一款最好。 品牌 型號 款式 價錢連基本安裝 總評分 Whirlpool惠而浦 AKR4071/IX 煙囱式 $4,590 4.39 Panasonic樂聲 FV-953P 煙囱式 $4,380 4.26 TGC EXCEL 710 煙囱式 $4,160 4.22 Pacific太平洋 PR6108-U70S 煙囱式 $3,850 4.1 Electrolux伊萊克斯 EFP60473OS 拉趟式...
自從電磁爐嘅興起, 相信好多人係屋企打邊爐都唔會再用gas爐, 第一麻煩, 因為要買gas, 第二, 始終明火都會有危險性嘅存在。 正如滔滔都同過大家講, 打邊爐最緊要當然係個爐啦, 咁到底揀邊款電磁爐好呢? 正直天氣開始轉涼, 唔少人都已經開始經常係屋企打邊爐, 今次消委會選擇月刊就拎左十幾款電磁爐進行測試, 話你知邊隻最抵最好用! 今次測試型號有以下12款 品牌 型號 參考價錢 總評分 IKEA Tillreda $349 4.5 SPT 尚朋堂 IC-2020HF $468 4.5 豐澤Fortress FIC16T $498 4.5 美的Midea...
如果消費者諗住買下列日立雪櫃型號，而商戶又話有貨可以訂貨嘅話，最好問清楚商戶係由佢地自己嘅倉出貨還是係由原行直出，如果話係自己倉出，都仲有可能係本身有存貨，但如果話係由原行直出，大家就要加倍留意啦！ #CHECK價誓言要同 “有價無貨” 割蓆。 以下為日立最新公告 以下為日立最新推出產品 當中一些型號為上述停產型號的代替品 日立新款多門雪櫃 RG420KH. (香檳金) RG420KHXL RG420KHX. (鏡面) RG420KHLX RXG450KH XW/XPN (鏡面/香檳金) RXG480KH XW/XPN (鏡面/香檳金) RKWG570KH. XTH. 香檳金 半自動洗衣機 OST700BJ. 7kg 灰色 如果想了解更多日立產品型號同12月貨存表，可參考ＣＨＥＣＫ價品牌貨期表
西德寶German West，一個本地品牌，雖然未係國際知名，但對我黎講，就有一份親切感，事關我會諗起我老豆以前係深水埗賣電器嘅年代。 以前係太子深水埗區，好多人都唔捨得買德國寶，柏林等貴價熱水爐，有見及此，我老豆就會入其它平價品牌嘅熱水爐黎賣，但就經常發生用唔夠三個月就壞，或爐殼生鏽等問題，瀨得野多，就會停賣嗰隻品牌嘅熱水爐，賣下停下轉下，轉到西德寶呢個牌子，一賣就賣左廿年。 原因唔單止係隻爐好少出問題，無手尾跟，而我老豆亦好欣賞個老闆親力親為，有問題就會立即幫手處理嘅態度。嗰陣我仲讀緊小學，每星期總會有一兩日俾老豆叫左出黎做非法童工，而我亦見住西德寶老闆由推銷，送貨，維修，收數一腳踢。 廿幾年後，我讀完書，出埋黎打工，呢個品牌都仲keep住做緊，而且產品多元同規模化左，由以前專門淨係出熱水爐，到而家出埋煮食爐，焗爐，抽油煙機，洗衣機，浴室寶等家電產品，所以我深信，鬥平鬥賤嘅生意係唔會長久，只有提供到好產品，好服務嘅公司，先可以長有長做。 Hard Sell時間 -西德寶儲水式熱水爐，其中 GWH 同 GWPU 系列剛榮獲機電署頒發一級能源標籤 -3年全機上門保用 全不鏽鋼內膽同防鏽外殼 主要零件由德國G.E.O製造: 發熱管、溫控器、恆溫器、及不鏽鋼內膽 溫馨提示: -市面上BPU系列已經停產，大家認住GWH 同 GWPU呢兩個系列先好買 CHECK價建議消費者如果想要性價比高嘅儲水式熱水爐，可以考慮下買西德寶呢個品牌，唔算最平，但一定係最抵。 想知邊度有得買西德寶，可以入黎睇 #無肥媽幫手一樣掂
係香港，中小型零售店嘅產品售價一般都較大型連鎖店為低，消費者為左慳錢，都會選擇幫襯佢地。 購買大型電器嘅時候，如雪櫃，洗衣機，由於倉租成本貴，中小型零售商都會選擇由原行直送，可以慳返倉租之餘，同時減低現金流壓力，但衍生另一個問題，就係貨存資料唔夠update，由於唔係自己倉，唔能夠即時知道倉存狀況，好多時都係由客人落左單後，商戶再發單俾原行或代理，先知該產品原來已經無貨。退款事小，失望事大，如果就左位，做好晒傢俬廚櫃先知無貨，就更加麻煩。 商戶點知有無貨? 品牌商或代理商(如大昌行，日立，樂聲，西門了等等)，一般都會定期發出最新倉存表(如下圖)俾其直接供貨商戶，而商戶正常情況下有責任先查清楚倉存量，再接受客人訂單。 但係，市面上有唔少嘅非直屬商戶，佢地嘅貨源一般經由分銷商(俗稱:拆家)發出，而非直屬商戶一般都唔會收到最新嘅倉存表，加上分銷商為免麻煩，一般都唔會將每一個品牌嘅倉存表發俾所有商戶，抱住 “你地問，我先幫你check”嘅心態，因此，導致商戶無貨都照賣嘅情況。 CHECK價有見及此，就決定做一份綜合不同牌子嘅倉存表比大家參考，倉存表係由原行提供，我地並會定期追蹤及更新，希望商戶同消費者落單前，可以望一望份表，如果2\見到你要買或賣嘅產品型號標示”少量”或”無貨”，就記得要問清楚先好落單。 大型家電倉存表 -由CHECK價製作 留意事頂: -貨存表由原行提供，但由於不同牌子嘅倉存表格式各有不同，CHECK價會於格式上作少量更改以統一格式，但不會對內容作任何更改 -每月至少更新一次 -倉存表主要標示大型家庭電器，因該類產品較大機會由原行直送 -現時向CHECK價提供倉存表嘅品牌唔算多，但我地會繼續努力同其它品牌溝通，希望有一日所有品牌電器都提供到貨期表俾大家 -貨存表未有包含大場獨家型號 -表格內所有型號均為市場流通型號，舊款或停產型號未必能標示於倉存表 -倉存表只供參考，買或賣之前，問清楚先好落單
每逢十一月，好多商店網站都會用不同名義推出超級優惠，好似雙11，感謝祭，Black Friday，感恩節等等，大家都會係呢段時間上網搵平貨，但大家又有無諗過， 買完嘢張收據仲有其他作用? 將你買嘢得返黎嘅收據，上載到我地CHECK價，就可以換取現金獎賞，實行一路買，一路賺！ 上載收據 雙倍積分 為左應節，同收集更多嘅單據作數據分析，只要你係11月內，上載任何一間商店嘅購買單據，手寫單又好，電腦單又好，電子單都好，只要唔係假單， 我地CHECK價都會雙倍送出報價積分，由130分提升至260分，務求令大家物盡其用, 唔好浪費你手上嘅單據。 留意事項: -接受任何一間商店嘅收據，但只限電子或家電產品 -上載單據必須清楚顯示商號名稱，產品型號，價錢及購買日期 –不接受重覆上載單據 報價流程及報價獎賞可以睇返以下連結: https://checkgaa.com/page/Checkpoints_CashOut 申請Account只需20秒左右，上載單據更只需10秒左右! #送現金，無花假 #唔好做假單
所有人買野都鐘意格價，加上香港網上購物開始發展成熟，格價平台如Price或者新型啲嘅CHECK價✌，本地網購如HKTVMALL，ZTORE等等，都令消費者輕易掌握市場價格同產品資訊，知道邊度買最抵。 格價容易左，係消費者層面上固然開心，但對大場(大場:如豐記，百記，蘇記，日本X等大型連鎖店)黎講就有大問題，同一隻產品型號，係大場買同係街鋪或網店買，價格差距分分鐘有成20-35%。久而久之，陳列室效應就開始出現，大場變成俾消費者摸下，玩下，了解下產品嘅地方，但最尾都係去返街鋪或網店幫襯。 大場降低產品售價，加強網上銷售？不大可能，因營運成本高，如廣告費，人工，租金，而且大場實體門市營業額影響SALES人工，網站單多左，門市SALE人工相對自然會少左。 大場點應付？ 大場門市據點多，位置多設立於一線商場或人流多嘅地區，因而有領導消費者選擇取向嘅優勢，即係如果我要買一部洗衣機，大部份人都會先去大場睇一睇，問清楚產品資料再係網上格價。 有見及此，品牌商或代理商為左保障大場利益，就會出一招叫獨家型號，即係同一級數嘅產品，大場同街鋪賣嘅型號會唔同，但望落外觀同功能有九成似，因成本問題，廠商只會係原模作有限度改變，兩者之間只係有少少野唔同，例如顏色，加加減減啲零件或功能，目的係為左消費者無得直接將大場產品型號對比街鋪或網店價格。 以下係由CHECK價搵到幾個例子： 惠而浦前置式洗衣機 #兩者分別會以橙黃色標示 FFCR70110(小店型號) 市面售價約$3450~ FFCR70120(大場型號) 市面售價約$4380~ 屏幕顯示: LED LED 自選洗衣溫度: • • 脫水轉速調校: • • 剩餘時間顯示: LED LED 洗衣程序顯示: 電子控制 電子控制 溫度顯示: LED LED 安全燈號: NA...
上樓費，搬運費，出倉費，出勤費，玻璃費，喉長費，拉電費，環保標籤費，扔機費，開盒費，拆機費，清潔費……安裝收費方法層出不窮，除時失晒預算，亦係消費者與商戶交易中最容易出現爭拗嘅一環。想用至抵價購買但又怕煩? 我地CHECK價系統可以幫到你，幫你慳機價之餘，安裝費都幫你慳到盡！ 用戶CHECK完機價後，記得CHECK埋安裝及送貨事項，傾好先落單。 現凡於11月30日前與任何一間認證商戶購買及安裝熱水爐及浴室寶，CHECK價即回贈HKD200。 產品列表按此: 浴室寶 熱水爐 STEP 1 列出黎嘅價錢只係參考價(並不代表至抵價)，按 “現貨查詢及購買”，認證商戶會立刻按你要求提供報價，一般會比參考價較抵。 Step 2 左方為認證商戶報價列表，用戶可以睇啱先落單，如涉及安裝，落單前記得先同商戶溝通，確保雙方有共識，先再進行交易。 Step 3 完成交易後，用戶可按 “額外保養”，上載購買單據，除可獲8個月額外保養外，CHECK價亦會送出HKD200回贈於用戶帳戶。 CHECK價亦會作為第三方公正，確保買賣雙方利益及交易順利進行。 如有任何查詢，可以Whatsapp 98207405或Facebook inbox我地。 #試下就知抵唔抵? #格下價唔洗錢
