Back

Category: 每日資訊

0

每日資訊

【安裝補貼】今時今日 機價平 安裝費更加要平

  上樓費，搬運費，出倉費，出勤費，玻璃費，喉長費，拉電費，環保標籤費，扔機費，開盒費，拆機費，清潔費……安裝收費方法層出不窮，除時失晒預算，亦係消費者與商戶交易中最容易出現爭拗嘅一環。想用至抵價購買但又怕煩? 我地CHECK價系統可以幫到你，幫你慳機價之餘，安裝費都幫你慳到盡！ 用戶CHECK完機價後，記得CHECK埋安裝及送貨事項，傾好先落單。 現凡於11月30日前與任何一間認證商戶購買及安裝熱水爐及浴室寶，CHECK價即回贈HKD200。 產品列表按此: 浴室寶 熱水爐 STEP 1 列出黎嘅價錢只係參考價(並不代表至抵價)，按 “現貨查詢及購買”，認證商戶會立刻按你要求提供報價，一般會比參考價較抵。 Step 2 左方為認證商戶報價列表，用戶可以睇啱先落單，如涉及安裝，落單前記得先同商戶溝通，確保雙方有共識，先再進行交易。 Step 3 完成交易後，用戶可按 “額外保養”，上載購買單據，除可獲8個月額外保養外，CHECK價亦會送出HKD200回贈於用戶帳戶。 CHECK價亦會作為第三方公正，確保買賣雙方利益及交易順利進行。 如有任何查詢，可以Whatsapp 98207405或Facebook inbox我地。 #試下就知抵唔抵? #格下價唔洗錢

0

每日資訊

【”德國”寶 對 “日本”伊瑪】移動暖氣浴室寶比較

冬季就到，想沖完涼浴室keep住暖笠笠，但又唔想攪咁多要專登拆左原先部抽氣扇裝浴室寶，又怕一般嘅暖風機係浴室用會漏電，咁點算? 雖然浴室寶早年係香港開始興起，唔少人因而轉用左浴室寶，但市場冷靜落黎後，亦有一班人唔願意換浴室寶，更甚者會轉用返抽氣扇。 首先，香港大部份家庭嘅浴室只能２選１，一係裝抽氣扇，一係裝浴室寶。 係費用層面上，簡簡單單裝部窗口式浴室寶，唔講求產品質量，連埋安裝費至少要$1500起跳；如果講究啲裝部天花式浴室寶，質量較好嘅，分分鐘要過$4000。而安裝抽氣扇連機嘅價錢大約只需裝浴室寶嘅三份一價錢。 其次若你搵隻平平地火力較低嘅浴室寶，其實佢換氣功能比抽氣扇弱，而且運作時聲響較大。 最後浴室寶通常都要用搖控開關，唔似抽氣扇，可以啪個燈掣就開，而且有時因搖控敏感度不足，機身反應未夠快，明明只係想簡單開個抽氣功氣，但都變左開暖氣。 以上係我地CHECK價綜合左商戶同用戶嘅意見。   如果又唔想洗咁多錢，但又唔想裝隻質量差嘅浴室寶黎代替原先部抽氣扇，我地有另一選擇比大家，就係移動浴室寶。 市面上暫時只有兩隻防水級別達IP23 嘅移動浴室寶(市面大部份聲稱可以於浴室用嘅暖爐其實防水級別只有IP21，代表有防濕氣功能，IP23則高一級，可以防濺水而不漏電) 佢地分別係: 德國寶 German Pool HTW-320(2019新款, 舊款為HTW-220)   https://checkgaa.com/search?GermanPool德國寶HTW-320 日本伊瑪 Imarflex INB-2023R(2019年新款) https://checkgaa.com/product/INB-2023R-5daecc75dd710.html   德國寶German Pool HTW-320 日本伊瑪 Imarflex INB-2023R 最高火力 2000W 2050W 火力調節...

0

每日資訊

【消委會測試】網店退貨容唔容易?

近日消委會針對唔同地方嘅Online Store進行測試同比較，分別比較購買過程，送貨及退貨等等。 當中包括Amazon(美國), ASOS(英國), 淘寶(中國), 樂天(日本), PCHOME (台灣), GMarket(韓國), Zalora(新加坡), HKTVMALL(香港)同埋Big Big Shop (TVB)。 係呢份報告入面, 主要測試幾個項目: 送貨時間:  位於海外的Online Store送貨時比較長, 除咗PCHome送貨時間大約1-2日之外，其他平均需要3-7個工作天, 而Amazon更需要平均9-15個工作天。本地嘅HKTV Mall及Big Big Shop大約需要3-4個工作天。 運費: 除Gmarket, 樂天及PCHome外, 其他的Online Store都有列明基本運費, 而以上列3間嘅運費會視乎產品重量或送貨公司而定, 購買時需要留意運費價錢。 單方面取消訂單: Gmarket, PChome,...

0

每日資訊

【分享更多】討論區CHECK CHAT

CHECK價成立目的係為左方便用戶能成為一個精明消費者，唔單止係產品價格層面上，係選擇幫襯邊一間，買邊一款，比錢前需要知道嘅重要事項等等，我地都希望能提供到一個參考。 為左更加彰顯我的CHECK價宗旨，我地網站新增左一個功能: CHECK價討論區”CHECK CHAT” 係討論區入面，用戶或商戶可以分享(但不局限於)產品資訊，購物經驗，有關電子或家電產品嘅疑問等等。 現時先設自由港主題區，未來會因應需要加設針對性較高嘅討論主題區。 為保障討論區資訊質素，防止洗板行為，發帖前用戶必須通過電話訊息驗證，驗證過程不多於30秒，我地亦會保障用戶資料。

0

每日資訊

【十月優惠】邊度買至抵? 入黎CHECK價睇

十月優惠推介 我地CHECK價連同認證商戶，推出一系列精選產品，保證價格優惠，貨源充足。 仲有唔好唔記得，於10月25日前與任何一間認證商戶於CHECK價完成交易，CHECK價即送$50現金回贈及運費補貼。交易流程可按此參考 以下為優惠產品列表:

0

每日資訊

【抽水】浴室寶 隻隻都可以抽濕?

浴室寶愈來愈普及，選購時有人會睇佢產地，睇佢款式，但計我話，最緊要嘅係睇佢嘅用電量，功能同安裝尺寸。 市面上最普及嘅品牌有樂聲，KDK，草津，金章等，佢地一般都標榜住有暖氣、乾衣、換氣同循環功能，而當中嘅乾衣功能，經常令用家誤以為有抽濕功能，但其實大家要知道，佢地都只係用熱力蒸發衣物上嘅濕氣，再以換氣方式排出室內濕氣，並非似抽濕機功能一樣，用壓縮機原理將濕氣抽走。 我地CHECK價翻查過市面上所有浴室寶品牌，僅得兩隻係有真正嘅抽濕功能，即乾衣時唔一定要吹住熱風。 佢地分別係: 1.Drymaster DM230R 定價$4880 (舊型號DM228R, 只限天花安裝)，2018年年尾推出新款，體積較大，安裝較難，抽濕力高，於相對濕度60%時，每日抽濕量約9.8L~ 2.太平洋Pacific PD-612 定價$3680 (只限窗口及掛牆式安裝)，2019年剛推出，安裝較方便，於相對濕度60%時，每日抽濕量約5.4L~ 裝窗口定天花式？ 有得揀(如budget同位置許可)，唔洗諗，裝天花，最好裝係浴室中央位置，咁暖風同抽氣功能都能達到最佳效果，但安裝費用會較安裝窗口式費用高，天花式安裝約$680-800~或以上，而窗口式安裝約$380-480~(實際收費因不同情況而異)。裝天花式浴室寶一定要有假天花，否則原行未必會包保養，同埋記得天花同假天花要預留返至少6-7吋位置。 點解咁少牌子出有真正抽濕功能嘅浴室寶? 成本原因，始終有壓縮機嘅浴室寶成本比一般浴室寶貴好多，導致銷量比普通浴室寶低好多。 安裝原因，如安裝天花式，除左要諗條熱氣喉點走，仲要顧多條排水喉，而好多安裝/裝修師傅都認為香港啲浴室咁細，開住暖氣再加換氣功能，其實都勉強做到可接受嘅乾衣功能。 總括而言 要唔要買有直正抽濕功能嘅浴室寶，就要睇你主要用途係乜，如果你只係有抽氣功能同冬天沖涼嗰陣有得暖下，買普通浴室寶就可以。如果你經常性會係浴室晾乾衣物，咁就好建議你買有真正抽濕功能嘅浴室寶，省電之餘，乾衣時間同效果會比只用熱力乾衣嘅好，而且唔會因熱力損害衣物纖維之外，衣物沾上異味嘅機會亦會低好多。跟據Drymaster 嘅使用手冊，5公斤棉質衣物，係無熱力情況下約4小時就可以完全乾透。 #開著乾衣或抽濕功能時，記得蓋返個廁所板。   題外話: 8吋迷你浴室寶事宜 大家有無發覺大部份品牌知名道較高嘅8吋迷你浴室寶，近年都係市場上消失左，如開利，飛歌，惠而浦，樂信等通通消失，只係得返金章同Skyrun仲有8吋安裝size嘅浴室寶? 傳聞係約兩年前幫金章出產浴室寶嘅內地廠商出左通知，要求其它品牌停止售賣佢地有設計專利嘅8吋安裝size嘅浴室寶，而知名品牌為免惹上官緋，都相應停止出售8吋安裝size嘅浴室寶。 Check價

0

每日資訊

【無當你老襯】報價換現金 唔係免費午餐

今朝我地係FACEBOOK專頁見到有個留言，睇完真係唔係咁高興，有種俾人屈嘅感覺，風水佬就可以呃你十年八年，我地呃得你啲乜？ 我地CHECK價要嘅並唔係用戶資料，而係你地提供比我地嘅產品報價同資訊。我地亦唔會將用戶資料作任何轉售。 CHECK價係要用戶 報價賺現金，而唔係送你免費午餐。 所以你可以話我地獎賞唔吸引，批核唔夠快，或我地唔夠靚仔靚女，但唔好話我地呃人。 我地就係唔想消費者比啲不實嘅格價平台誤導，先建立CHECK價！ #希望已獲取現金獎賞嘅用戶可以幫我地平反下 #報價賺現金玩法 Check價

0

每日資訊

【突然又已一年】四電一腦 回收舊機小貼士

自從上年8月政府推出「四電一腦」生產者責任計劃，廠商，品牌商，批發商，零售業界由計劃實施初期嘅擔憂同混亂，經過一年時間嘅磨合，業界都開始習慣而且運作暢順，據CHECK價向商戶了解，回收計劃有得有失，得嘅就係收舊機唔洗特登另收客人掉機費，客人較為接受，而失嘅就係以往商戶可以拎回收返黎嘅舊機賣返出去街邊回收商，可以收返少少零用錢，但而家差唔多清一色只能由政府委託及資助嘅持牌回收商歐綠保包攬晒，同埋回收服務最快都要等3個工作天，雖則幾乎無放過飛機，但如果回收日期同時間可以再靈活啲就更加好。 總括黎講，整頓回收業，集中同系統化處理，踢走因處理不當而污染環境嘅無牌回收商，對香港環境係一件好事。   整合商戶比我地嘅資訊，當消費者購買電器產品時，我地有幾點想提醒大家。 消費者需知: 1.所謂四電一腦，其中包括嘅電器種類有: 雪櫃$165 電視機$165 冷氣機$125 洗衣機$125 顯示屏$45 掃描器$15 影印機$15 2.一般係銷售商購買產品嘅時候，其實上述費用已經強制加左係產品價格上。 3.係落單個陣，商戶一般會提供兩種回收方案 方案一: 由政府委託及資助嘅歐綠保免費回收，最少3個工作天。 方案二: 由商戶或產品供應商直接回收，通常都可以即日收走，但就視乎商戶有機會另外收費，簡單講，係大型連鎖店買，一般都會包埋，因為機價較高cover到，而中小型商戶通常就會有額外費用，一般約$80-$100不等，但當然機價相應平返。 所以好睇消費者本身有無時間或空間而選擇合適嘅方案。 3.無論消費者選擇邊一種方案，商戶都有責任事先提醒消費者，你地享有免費舊機回收服務，而如果選擇方案一，商戶絕不能收取額外回收費用，無論要搬上搬落幾多層，都唔應該有額外費用，否則即屬違法，以下為資料參考: https://hk.on.cc/hk/bkn/cnt/news/20190930/bkn-20190930161001792-0930_00822_001.html 4.當購買四電一腦計劃所包含嘅產品種類時，要留意銷售商有無提供類似以下嘅label貼紙，一般都會跟住張單或跟住部機。如銷售商無提供，亦屬違法，以下為資料參考: https://news.now.com/home/local/player?newsId=342539 環保標籤相片: 5.如需要回收洗衣機或冷氣機，用戶需先拆除所有喉管，電線接駁，安裝架之類，簡單講，佢地只係會幫你搬走，但唔會做任何拆卸工程，比錢都唔做。真係唔識拆咁點算? 可以選擇方案二。 6.如需要回收雪櫃，收走舊機同送新機時間要夾得好，尤其當雪櫃裡面仲有好多貴重食材需要雪住，萬一收機人員先到，收左部舊機先，但部新機又未送到，咁就大件事，所以我地建議消費者如果地方同時間容許，而又有貴重食材要雪住嘅話，最好就約下一個工作天嘅早上先收走舊機，否則就要事先食晒你雪櫃裡面嘅野。 7.無需等人黎收舊機，其實你放部舊機係門口，當然唔好阻住鄰居同需要管理處容許，再貼返張”等回收”嘅字條係機面就可以。 8.如果miss左本身約好嘅回收服務，若商戶用返同一個地址或申請單號再同你申請回收服務，歐綠保電腦系統會張你張單推後到1-2個星期後，或有機會取消申請。咁點算呢？可以搵商戶幫幫手, 改下個地址及申請單號(例如: 填上不存在嘅門牌號數) ，佢地搵唔到你自然會打比你，咁就可以係返３個工作天內完成到，當然最好唔好失約，始終回收工作都係一件幾體力勞動嘅工作。如果商戶幫你唔到, 其實可以直接打去歐綠保預約回收，電話:...

0

每日資訊

【真人真事】換取現金的個案介紹及分享

CHECK價正式向推出市面接近一個月，雖然操作及功能上依然有待改善，多得大家寶貴嘅意見，我地已正作出針對性的修改。慶幸地 CHECK價依然得到唔少用家對我地報價換現金嘅支持，向我地提供大量報價。 我地將收集得到返黎嘅數據經查閱後會上載返產品報價表上，等其他用家都可以睇到產品於唔同店舖嘅實際價錢，方便用家格價。 點解咁做報價賺現金? 香港市場唔同好多國家，中小型零售銷嘅產品價格一般比大型連鎖店較平，而且價格差異可以好大，但礙於中小型零售商人手同電腦科技應用上能力有限，因而接觸唔到一批年輕或偏向網上購物嘅消費者。而我地CHECK價就希望藉住由消費者向我地報價，可以令一啲唔活躍於網上銷售嘅商店嘅產品資料同售價，以被動方式呈現返係網上世界，比消費者多一個選擇，慳多一分嘅錢。] 用戶報價反應 經過一段時間運作，用家報價數量同速度比我地估計嘅多同快，最厲害嘅用家僅僅兩個小時已經提交足夠的報價，成功換取每月上限港幣$1000。 我地每日平均收到約600個報價，截至現時為止，CHECK價已向用戶累積發出超過港幣50000元嘅報價獎勵，希望大家能夠繼續報價，你的每一個報價及每一個意見我地都好重視。 要留意，我地會拒絕重覆或不實嘅報價，同埋當提交現金申請時，應該先留意帳戶內的CHECKPOINT數量，小心唔好提交超過現有CHECKPOINT的申請及不要重覆提交申請，以免產生誤會。我地處理報價及提款的程序需要一定時間，但我地CHECK價所有同事會盡力於2-3個工作天內處理客戶提供嘅報價及提款申請，務求以最快速度讓用家得到獎賞回報。 客戶對CHECK價評價 最近我地向已收取獎賞嘅用戶發出問卷調查，收集有關用戶報價體驗嘅資料，當中問到關於偏向邊一種報價方式，大多用家都喜歡使用表格報價，因為可以坐定定係屋企就可以報價，比較方便。相反相片報價係最少使用嘅報價方式，一來用戶並非經常會行實體商鋪，二來未必習慣於店鋪內影相。 問卷當中亦收到唔少的鼓勵說話，以下為其中一啲留言我地比較深刻(絕非虛構) 用戶Kan:”是一個有特色的platform 加油呀，打倒Pxxxx.com” 用戶龍少:”批核算快速，加油” 用戶Mr Lee:”不錯的IDEA，會繼續報價” 用戶Jerry Hui:”報價容易, 又可以賺到錢, 幾好” 用戶嘅鼓勵同意見都對我地好重要，更可令我地CHECK價持續進步。 亦希望大家會習慣報價方式，同埋習慣買完野之後keep返張單，黎返我地CHECK價上載單據賺取積分。 留意:我地CHECK價並非產品提供者，而是格價及轉介平台，客戶可於CHECK價平台上與認證商戶進行交易，只要CLICK一CLICK個”現貨查詢及購買”按鈕，商戶就會主動向用戶提供報價，用戶唔洗再遂間遂間問同怕售價唔準。   Check價

0

每日資訊

【招商月】加入CHECK價，建立最強電子及家電銷售網絡

CHEKC價招商月 無論經營大大小小嘅實體店或網店，都想有更多曝光，同更有效嘅銷售渠道，但往往擔心 高昂服務收費，尤其現時零售業利潤下滑，服務收費成本比重不容忽視 現金回流時間需時長，影響周轉 同一個平台上，遇上以不實報價作招徠的同業者，造成惡性競爭，最終在價錢或服務上，影響到自己商店予消費者觀感或購物體驗 而家，CHECK價提供一個公平，以價格準確同銷售服務質量為先嘅銷售平台，歡迎有意建立或擴大自己事業版圖嘅朋友加入。 好處 即時收取交易金額 專人提供產品上載服務 竭力抵制惡性競爭，防止商戶不實售價作招徠 超低服務收費，確保交易完成後才正式收費，有關費用可按此參考 只向已於該商戶消費的客戶提供評分功能，確保商戶評分的真實性 提供銷售數據，提供行內銷售資訊，連繫各商戶以提高商戶合作空間 商戶加入條件: 有效商業登記 聯絡電話 全職經營有關商店 現只接受電子及家電銷售商加入 申請成功後，”CHECK價專員” 可提供操作界面介紹。 如有任何問題，亦可致電 / whatsapp: 9820-7405 或電郵:services@checkgaa.com 於10月23號前加入商戶: 可獲免費廣告推廣 及伴隨CHECK價一系列大型廣告推廣列車，與一眾有心有力嘅老闆邁向成功之路。 由9月23日起至10月23日，所有於CHECK價交易平台完成的交易，消費者可獲$50現金回贈同上限$80的運費補貼，商戶請把握商機。 商店加入網址: https://checkgaa.com/auth/merchant/register 商店基本操作界面介紹: https://checkgaa.com/page/merchant #無論規模大小嘅商戶，只要你係有心經營，願意提供優質服務俾消費者，締造一個良好營商環境，我地CHECK都必定歡迎。