【冷氣季節】五月消委會窗口式冷氣機測試
又到夏天開冷氣機嘅季節, 天氣熱到咁, 如果無左冷氣機都唔知點頂, 所以冷氣機係人類一項最重要嘅發明! 但礙於分體式冷氣機需要比較貴嘅安裝費, 所以有部人消費者就會退而求其次揀裝窗口式冷氣機, 雖然窗口機會有少少機械運作嘅聲音(大部份新款窗口式冷氣機已經做到非常寧靜), 不過勝在安裝簡單, 同埋安裝費比較平。 5月嘅消委會選擇月刊就同大家比較左15款唔同品牌嘅窗口式冷氣機, 同時消委會都會教返大家點揀同點保養冷氣機。今次信興代理嘅品牌表現最好, 為是次測試的大贏家。 消委會今次第一次測試R32雪種嘅機款, 宜家市面上採用R32雪種嘅機款唔多, 但係因為R32雪種係比較環保同埋比較新, 所以消委會揀左採用R32雪種嘅Panasonic – CW-N719JA同埋Rasonic – RC-N719J做測試, 其他型號就係R410A雪種。全部樣本都係定頻式淨冷型, 基本型號, 同埋無遙控器。