【報價搵銀】常見報價獎賞問題

我地CHECK價 正式推出第3日，已經收到唔少用家查詢關於報價問題。明白到報價賺現金呢個概念可能比較新，所以我地係到簡單總括一啲問題，希望令用家明白CHECK價玩法：


1.點樣報價賺取現金?
報價方法有三種，而每一種都會有唔同嘅回贈積分:

a. 填表報價->50分: 填寫跟據表格上的所需資料，適合安坐家中的網購人士。

b. 相片報價->40分: 影低店舖內的產品及價錢牌，適合喜歡行實體店的人士。

c. 收據報價->130分: 上載完整購物單據(購買日必須要在3月個內)，適合已購買該產品人士。

每2000分即可換取港幣100蚊。


2.接受咩類型商店及產品報價?
我地現時只接受電子及家電產品的報價。而商店方面，無論規模大小，連鎖店，網店，傳統老鋪，小本經營店鋪，總之係有 電子及家電產品銷售，都可以向我地提供報價。


3.報價幾耐後會成功批核?
24小時內。


4.係咪現金回贈?
是，款項會係用戶填寫CASH OUT CHECKPOINT表格後，於2-3個工作天內直接存入用戶所提供嘅銀行帳戶。


5.報取賺取現金有無上限?
報價次數係無上限，只要係真確，非重覆的產品報價我地都會接受。但留意每天最多只能cash out HKD300。


6.點解會有用戶報價賺現金功能?
除左商戶直接報價，我地CHECK價亦希望收集到不同消費者嘅產品報價，經分析及整合報價資料後，我地會定期更新產品頁面上的報價表。希望藉此令更多消費者接收到最新及最準確嘅產品價格。


7.新會員係咪會有500分回贈?
無錯，至2019年11月31號為止，只要like我地facebook page(CHECK價)，再inbox你地用戶名,ID或EMAIL，就好快會收到500分。


利申:
我地CHECK價都係無大台support，現金回贈額唔算高，只係鼓勵性質，目的希望收集大家所提供嘅資訊，為消費者提供返一個選擇，同一個更加可靠嘅產品格價平台。
我地係軟件同硬件上有好多要改善嘅地方，同時我地亦會不斷改進系統，承諾會係3個月內，係報價同格價操作方面會俾用家有一個更好嘅體驗！