【消委會測試】網店退貨容唔容易?
近日消委會針對唔同地方嘅Online Store進行測試同比較，分別比較購買過程，送貨及退貨等等。
當中包括Amazon(美國), ASOS(英國), 淘寶(中國), 樂天(日本), PCHOME (台灣), GMarket(韓國), Zalora(新加坡), HKTVMALL(香港)同埋Big Big Shop (TVB)。
係呢份報告入面, 主要測試幾個項目:
送貨時間:
位於海外的Online Store送貨時比較長, 除咗PCHome送貨時間大約1-2日之外，其他平均需要3-7個工作天, 而Amazon更需要平均9-15個工作天。本地嘅HKTV Mall及Big Big Shop大約需要3-4個工作天。
運費:
除Gmarket, 樂天及PCHome外, 其他的Online Store都有列明基本運費, 而以上列3間嘅運費會視乎產品重量或送貨公司而定, 購買時需要留意運費價錢。
單方面取消訂單:
Gmarket, PChome, Zalora分別都有付款後聲稱缺貨或未能提供原因的情況下被取消訂單嘅案例，而Gmarket及PChome更因為以外幣進行結算, 退貨金額會同付款時有出入。
退貨問題:
大部份網上商店都係充當住中介角色，所以如果產品上有問題，用戶需要自行了解清楚需向哪一方進行查詢或交涉。
基本上除香港本地Online Store外，大部份平台接受任何退貨原因，退貨期平均7日，而Amazon則長達30日, 而樂天更可以於90日內進行退貨，但只限於貨品損壞或與聲稱不符。而因為香港的商舖大多沒有退貨或退款的機制，所以Big Big Shop及Hktvmall的退貨只能因為貨品損壞或與聲稱不符。
退貨方面, 因為大部份都係外國網站, 所以refund會比較麻煩。Zalora同埋ASOS可以係香港7-11 refund, Amazon就可以寄去DHL, 而其他就需要按網站指示退貨。
以下係消委會嘅測試列表:
Check價提提你網上購物時需要留意的事項:
– 如果想訂購嘅型號已經係舊款或者好多年前, 訂購前應該先向商店查詢, 以免被取消訂單。
– 如果唔知買邊款好, 或者想知邊款係最新定已經停產, 應上網做足功課再購買。
– 如果唔係價錢差得太遠, Check價都建議用戶係返本地嘅Online Store購買, 始終唔洗比太多嘅運費同埋想退貨都容易啲
**資料來料: 消委會選擇月刊
