【”德國”寶對 “日本”伊瑪】移動暖氣浴室寶比較

by Check價 · October 24, 2019

冬季就到，想沖完涼浴室keep住暖笠笠，但又唔想攪咁多要專登拆左原先部抽氣扇裝浴室寶，又怕一般嘅暖風機係浴室用會漏電，咁點算?

雖然浴室寶早年係香港開始興起，唔少人因而轉用左浴室寶，但市場冷靜落黎後，亦有一班人唔願意換浴室寶，更甚者會轉用返抽氣扇。

首先，香港大部份家庭嘅浴室只能２選１，一係裝抽氣扇，一係裝浴室寶。

係費用層面上，簡簡單單裝部窗口式浴室寶，唔講求產品質量，連埋安裝費至少要$1500起跳；如果講究啲裝部天花式浴室寶，質量較好嘅，分分鐘要過$4000。而安裝抽氣扇連機嘅價錢大約只需裝浴室寶嘅三份一價錢。

其次若你搵隻平平地火力較低嘅浴室寶，其實佢換氣功能比抽氣扇弱，而且運作時聲響較大。

最後浴室寶通常都要用搖控開關，唔似抽氣扇，可以啪個燈掣就開，而且有時因搖控敏感度不足，機身反應未夠快，明明只係想簡單開個抽氣功氣，但都變左開暖氣。

以上係我地CHECK價綜合左商戶同用戶嘅意見。

如果又唔想洗咁多錢，但又唔想裝隻質量差嘅浴室寶黎代替原先部抽氣扇，我地有另一選擇比大家，就係移動浴室寶。

市面上暫時只有兩隻防水級別達IP23 嘅移動浴室寶(市面大部份聲稱可以於浴室用嘅暖爐其實防水級別只有IP21，代表有防濕氣功能，IP23則高一級，可以防濺水而不漏電)

佢地分別係:

HTW-320(2019新款)

INB-2023R(2019新款)

佢地兩隻機身唔重，約2KG～，可以用佢地跟機嘅掛牆掛勾掛係毛巾架，當然想再穩陣啲就鑽一個牆孔用黎掛佢。而我最鍾意係佢地嘅毛巾掛勾，可以掛條毛巾或衣物，直接吹乾。

溫馨提示，話就話 “德國”寶同 “日本” 伊瑪，但呢兩隻件產品都已經轉由中國製造，不過咁，呢個品牌都係香港嘅老品牌，相信品質同服務都會有返咁上下。

上年2018年德國寶嘅移動浴室寶HTW-220就獨市跑出，唔知今年日本伊瑪可唔可以係呢個市場成功分一杯羮，我地CHECK價就拭目以待。

#想睇下邊到買平啲，就用我地CHECK價嘅即時交易平台，認證商戶會立刻俾個靚價你

【”德國”寶 對 “日本”伊瑪】移動暖氣浴室寶比較